Plantun de Prouvènço

Pèr coumpara dos planto d'encò nostre

Phagnalon saxatile & Rosa rubiginosa

Phagnalon saxatile

Asteraceae Compositae

Nom en français : Phagnalon des rochers.

Descripcioun :
Planto argentado, un pau lignouso à la baso, que trachis sus li paret pulèu séusous. Fai de flour coumpausado daurado un pau mai grosso (7-11 mm) que soun cousin Phagnalon sordidum (6-10 mm). Li fueio soun peréu mens primo e longo eici e devenon tambèn mens peludo. Coumpara emé lou fagnaloun-reguergue.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : alterno
Tipe bioulougico : Camefite
Cicle bioulougico : Planto renadivo

Gènre : Phagnalon
Famiho : Asteraceae
Famiho classico : Compositae
Tribu : Gnaphalieae

Coulour de la flour : Jauno
Petalo : >6
Ø (o loungour) flour : Pancaro entresigna
Flourido : Printèms

Sòu : Si
Autour basso e auto : Pancaro entresigna
Aparado : Noun

Liò : Paret - Terraire safrous
Estànci : Termoumediterran à Mesoumediterran
Couroulougi : Pancaro entresigna
Ref. sc. : Phagnalon saxatile (L.) Cass., 1819

Agufié(-roussas)

Rosa rubiginosa

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Nom en français : Églantier couleur de rouille.

Descripcioun :
Aquel agufié, Rosa rubiginosa, fai parti dóu group d'agoulencié qu'an de glando resinouso dessouto li fueio, ço que ié dounon aquesto coulour roussasso. Trachis dins li relarg dubert coume lis orle de bos. Se destrìo de Rosa micrantha qu'a lis estile lanu, si flour soun mai grando e peréu soun óurifice calicinau pu larg.

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.